Тушаал

1.    Байгуулгын дарга болон түүнийг орлож буй эрх хэмжээнийхээ хүрээнд удирдлагын нэгдсэн зарчмын үндсэн дээр тушаал гаргаж мөрдүүлнэ.

2.    Байгуулгын үндсэн үйл ажилгаа болон боловсон хүчний асуудлаар тус тусд нь тушаал гаргана. Тушаалын төслийг удирдлагын шийдвэрийн үндсэн дээр зохион байгуулалтын үндсэн дээр ажил үүргийн чиглэлийн дагуу харилцан бэлтгэнэ.

3.    Тушаалыг хэвлэлийн аргаар бэлтгэсэн тусгай хэвлэмэл хуудсан дээр үйлдэх бөгөөд түүнд зайлшгүй байх бүрдлүүд нь:

А. Төрийн сүлд соёмбо эсвэл байгуулгын бэлэгдэл тэмдэг.

Б. Байгуулгын нэр

В. Баримт бичгийн нэр

Г. Огноо

Д. Үйлдсэн газрын нэр

Е. Дугаар

Ё. Тэргүү

Ш. Бичвэр

З. Гарын үсэг

И. Тамаг тэмдэг

К. Санал өгсөн тухай тэмдэглэл

Л. Боловсруулсан тухай тэмдэглэл

М. Шийдвэрлэсэн баримт бичиг хөтлөх хэрэгт хадгалсан тухай тэмдэглэл.

Н. Санамжид байгаа мэдээллийг

4. Тушаалын тэргүү нь түүний агуулгыг товч тодорхой тусгасан байна.

5. Тушаалын бичвэр нь тэмдэглэх ба захирамжлах гэсэн 2 хэсгээс             бүрдэнэ.

6. тушаалыг тэмдэглэх хэсэгт уг баримт бичиг зохиож бүрдүүлсэн үндсэслэл авах арга хэмжээний зорилт шаардлагын тухай бичнэ.

          Хэрэв тушаал гаргах үндсэслэл ямар нэг хууль тогтоомж дээд газрын шийдвэртэй холбоотой бол тэмдэглэх хэсэгт уг эрх зүйн агтын нэр огноо гарчиг дугаарыг зааж өгнө.

7. Тушаалын захирамжлал хэсэгт авах арга хэмжээ хариуцах эзэн гүйцэтгэх хугацааг тогтоосон заалтууд орно. Захирамжлах хэсэг нь өөр хоорондоо холбоотой хэд хэдэн заалтуудтай байж болох бөгөөд заалт бүрийг араб тоогоор дугаарлана.

8. Тушаалын захирамжлах хэсгийн үйл үгийн захирах тушаах хэлбэрээр бичнэ.

          Захирамжлах хэсэгт тушаалын биелэлтийг хариуцсан бол түүний хэрэгжилтэд хяналт тавих зохион байгуулалтын нэгж удирдах ажилтны нэрийг тодорхой заана.

          Хэрэв тушаалаар ямар нэгэн баримт бичиг (заавар, дүрэм, журам г.м ) батлаж мөрдүүлж байгаа бол тэдгээрийг тушаалд хавсаргах бөгөөд урьд өмнө гарсан зарим тушаалыг өөрчлөх буюу зарим заалтыг хүчингүй болгож байгаа бол захирамжлах хэсэгт энэ тухай дурьдаж хүчингүй болгож байгаа шийдвэр түүний холбогдох заалтын дугаар огноог заавал бичнэ.

9. Байгуулгын дарга тушаалын төгсгөлд гарын үсэг зурхаас өмн холбогдох хэлтэс, нэгж, албан  тушаалтнуудаас виз авч шаардлагатай тохиолдолд танилцуулга хийж хавсарсан байна.

10. тушаалын төсөлтэй холбогдох албан тушаалтан ажлын 1-2 хоногт багтаан танилцаж журмын дагуу виз өгсөн байна. Визийг тушаалын өнгөн хувийн төгсгөлийн өнгөн хувийн ар талд үйлднэ.

11. Виз нь тушаалын төсөлд санал өгч буй албан тушаалтны нэр түүний гарын үсэг, гарын үсгийн тайллаас бүрдэнэ. Тушаалын төсөлд виз авахдаа албан тушаалын эрэмбээр зохион байгуулна.

12. Тушаал нэг буюу түүнээс дээш хавсралт байж болно. Энэ тохиолдолд хавсралт тус бүрийг дугаарлаж эхний хуудсан дээр түнийг баталгаажуулж байгуулгын тэмдэг дарна. Тушаалд хавсралтын тухай дугааргүй бол ямар нэгэн баримт бичиг хавсаргаж болохгүй.

13. Тушаалын төслийг баримт бичиг стандартын дагуу зохиож бүрдүүлсэн байдалд төрийн захиргааний удирдлагын газар (хэлтэс) хяналт тавьна. Тушаалыг 2% үйлдэх бөгөөд байгуулгын дарга гарын үсгээ зурж тамгаар баталгаажуулсан байна.

          Гарын үсэг зурсны дараа тушаалд нэмэлт, загвар, өөрчлөлт оруулахыг хориглоно. Боловсон хүчний болон хөрөнгө санхүүгийн холбогдолтой тушаал шийдвэрт зөвхөн байгуулгын дарга гарын үсэг зурна.